Live Updates

بین الاقوامی تجارتی نمائش سیکٹورل ڈیلیگیشن ٹو بنگلہ دیش میں شرکت کے لئے درخواستیں 18 مئی تک جمع کرائی جاسکتی ہیں،ٹی ڈی اے پی

منگل 13 مئی 2025 15:29

اسلام آباد (اُردو پوائنٹ اخبارتازہ ترین - اے پی پی۔ 13 مئی2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ بنگلہ دیش میں19 مئی سے ہونے والی بین الاقوامی تجارتی نمائش ’’ سیکٹورل ڈیلیگیشن ٹو بنگلہ دیش‘‘ میں شرکت کے لئے 18 مئی تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش بنگلہ دیش میں 19 سے 23 مئی تک جاری رہے گی جس میں فرنیچر، دستکاری ،قالین ، جیم اور جیولری سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔