مکینیکل ٹرانسپلانٹر کے ذریعے ایک کھیت میں چاول کے 80 ہزارسے1 لاکھ 20 ہزار تک پودے لگائے جا سکتے ہیں،ماہرین زراعت

جمعہ 16 مئی 2025 15:31

فیصل آباد (اُردو پوائنٹ اخبارتازہ ترین - اے پی پی۔ 16 مئی2025ء) نظامت زرعی اطلاعات محکمہ زراعت کے ماہرین زراعت نے بتایا کہ مکینیکل ٹرانسپلانٹر کے ذریعے ایک کھیت میں چاول کے 80 ہزارسے1 لاکھ 20 ہزار تک پودے لگائے جا سکتے ہیں، تاہم ماہرین زراعت نے دھان کی پنیر ی کی منتقلی میں فی ایکڑپودوں کی تعداد 80ہزار رکھنے کا مشورہ دیا ہے۔

(جاری ہے)

ماہرین زراعت نے بتایا کہ حکومت پنجاب نے صوبہ میں گندم، کماد، کپاس، چاول، مکئی اور دیگر فصلوں کی پیداوار میں فی ایکڑ زیادہ اضافہ کےلئے بھر پور اقدامات کا آغاز کر دیا ہے جبکہ اس سلسلہ میں کروڑوں روپے کی لاگت سے محکمہ زراعت اور زرعی تحقیقاتی اداروں کے زیر اہتمام خصوصی تحقیقی منصوبوں کا آغاز بھی کیا جا رہا ہے تاکہ سبز زرعی انقلاب لا کر نہ صرف ملکی غذائی ضروریات کو پورا کیا جا سکے بلکہ اضافی زرعی پیداوار بیرون ملک برآمد کر کے اس سے بھاری و قیمتی زر مبادلہ کا حصول بھی ممکن ہو سکے۔