نوشہرہ آمانگڑھ میں مدرسہ کی طالبہ سے پانچ جنسی درندوں کی اجتماعی جنسی زیادتی

جمعہ 16 مئی 2025 22:00

ِنوشہرہ (اُردو پوائنٹ اخبارتازہ ترین - آن لائن۔ 16 مئی2025ء)نوشہرہ آمانگڑھ میں مدرسہ کی طالبہ سے پانچ جنسی درندوں کی اجتماعی جنسی زیادتی۔طالبہ منیعبہ احمد کی حالت غیر ہونے پر ملزمان فرار۔ڈسٹرکٹ ہیڈکواٹر ہسپتال نوشہرہ میں متاثرہ طالبہ منیعبہ احمد سے اجتماعی جنسی درندگی کی تصدیق کردی۔آضاخیل پولیس نے فوری کامیاب کاروائی کرتے ہوئے اجتماعی زیادتی میں ملوث پانچوں ملزمان کو گرفتارکرلیا۔

(جاری ہے)

ایس ایچ او تھانہ آضاخیل عادل سید نے تصدیق کی ہے کہ طالبہ اجتماعی زیادتی کیس کے مرکزی ملزم انور خان کو بھی رات گئے پولیس نے نوشہرہ کلاں کے علاقے سورے بابا میں چھاپے اور سرچ آپریشن میں چارسدہ فرار ہوتے ہوئے گرفتارکرلیاگیا۔متاثرہ طالبہ کی والدہ مسماة غنازاحمد علی کے مطابق میری بیٹی مقامی مدرسہ کی طالبہ ہے منیعبہ مدرسہ سے گھر آرہی تھی کہ دن دیہاڑے ملزمان نے زبردستی فارم لے گئے اور میری بیٹی کی عزت تار تار کردی ہم کو انصاف اور تحفظ دیا جائیں۔ایس ایچ او تھانہ آضاخیل عادل سید کے مطابق ملزمان کے خلاف زیردفعہPPC 375 Aمیں مقدمہ درج کیاگیاہے ۔تمام ملزمان کو جسمانی ریمارنڈ کے لیے آج ہفتہ کے روز جوڈیشل مجسٹریٹ کی عدالت میں پیش کیاجائیں گا۔