انگلینڈ کی ٹینس سٹار ایما راڈوکانو سٹراسبرگ انٹرنیشنل ٹینس ٹورنامنٹ کے دوسرے رائونڈ میں داخل

ویمنز سنگلز مقابلوں کے ابتدائی رائونڈ میں آسٹریلوی حریف کھلاڑی ڈاریا سرجیوینا کساتکینا کو شکست دی

بدھ 21 مئی 2025 16:02

انگلینڈ کی ٹینس سٹار ایما راڈوکانو سٹراسبرگ انٹرنیشنل ٹینس ٹورنامنٹ ..

سٹراسبرگ(اُردو پوائنٹ اخبارتازہ ترین - این این آئی۔ 21 مئی2025ء)انگلینڈ کی نامور ٹینس سٹار ایما راڈوکانو ڈبلیو ٹی اے سٹراسبرگ انٹرنیشنل ٹینس ٹورنامنٹ میں خواتین کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئی۔ وائلڈ کارڈ پر انٹری حاصل کرنے والی 22 سالہ برطانوی ٹینس سٹار نے ویمنز سنگلز مقابلوں کے ابتدائی رائونڈ میں آسٹریلوی حریف کھلاڑی ڈاریا سرجیوینا کساتکینا کو شکست دی۔

(جاری ہے)

ڈبلیو ٹی اے کے زیر اہتمام ویمنز ایونٹ کے دلچسپ مقابلے فرانس کے شہر سٹراسبرگ میں جاری ہیں، سنگلز مقابلوں کے پہلے رائونڈ میچ میں 2021 کی یو ایس اوپن چیمپئن برطانوی ٹینس سٹار ایما راڈوکانو نے انتہائی شاندار کارکردگی کا مظاہرہ کرتے ہوئے آسٹریلوی حریف کھلاڑی ڈاریا سرجیوینا کساتکینا کو سٹریٹ سیٹس میں 1-6 اور 3-6 سے شکست دے کر نہ صرف ایونٹ کا فاتحانہ آغاز کر دیا بلکہ دوسرے رائونڈ کے لئے بھی کوالیفائی کرلیا۔