Live Updates

بابراعظم، رضوان کی واپسی پر ہیڈکوچ کا بیان سامنے آگیا

بدھ 21 مئی 2025 22:01

لاہور(اُردو پوائنٹ اخبارتازہ ترین - آن لائن۔ 21 مئی2025ء) قومی ٹیم کے نومنتخب ہیڈکوچ مائیک ہیسن نے بابراعظم اور محمد رضوان کے مستقبل سے متعلق لب کشائی کردی۔

(جاری ہے)

ایک انٹرویو میں ہیڈکوچ مائیک ہیسن سے سوال کیا گیا کہ نوجوان کھلاڑیوں کو ترجیح دیں گے یا بابر اعظم اور محمد رضوان جیسے سینئرز بھی پلان کا حصہ ہوں گی جس پر مائیک ہیسن نے دوٹوک انداز اپناتے ہوئے کہا کہ ہماری منصوبہ بندی اس بات پر ہوگی کہ ہم کس انداز کی کرکٹ کھیلنا چاہتے ہیں اور اس کیلئے کس کردار کی ضرورت ہے، اس کی بنیاد پر ہم ان کھلاڑیوں کو منتخب کریں گے، جو ذمہ داری کو بخوبی نبھا سکیں۔

ادھر بنگلادیش کیخلاف 3 میچز کی ٹی20 ہوم سیریز میں پاکستان نے اسکواڈ کا اعلان کردیا ہے، جس میں سلمان آغا کو کپتانی سپرد کی گئی ہے جبکہ نائب کپتان شاداب خان ہوں گے۔دورہ نیوزی لینڈ میں ناقص پرفارمنس کے بعد بنگلادیش کیخلاف سیریز میں باز گشت سنائی دی تھی تاہم اعلان کردہ اسکواڈ میں بابراعظم اور محمد رضوان کو حصہ نہیں بنایا گیا ہے۔اسکواڈ میں صائم ایوب، حسن علی صاحبزادہ فرحان اور محمد عرفان خان نیازی کی واپسی ہوئی ہے۔