Live Updates

کوئٹہ گلیڈی ایٹرز 6 سال بعد پی ایس ایل فائنل میں پہنچ گئی

پی ایس ایل 10 کے واحد کوالی فائر میں دفاعی چیمپئن اسلام آباد یونائیٹڈ کو گلیڈی ایٹرز نے شکست دے دی

محمد علی بدھ 21 مئی 2025 23:18

لاہور (اُردو پوائنٹ اخبارتازہ ترین۔ 21 مئی2025ء) کوئٹہ گلیڈی ایٹرز 6 سال بعد پی ایس ایل فائنل میں پہنچ گئی، پی ایس ایل 10 کے واحد کوالی فائر میں دفاعی چیمپئن اسلام آباد یونائیٹڈ کو گلیڈی ایٹرز نے شکست دے دی۔ تفصیلات کے مطابق پاکستان سپر لیگ کے آخری مرحلے کا آغاز ہو گیا ہے۔ پاکستان سپر لیگ 10 کے پہلے کوالی فائر کے سلسلے میں لاہور میں کوئٹہ گلیڈی ایٹرز اور اسلام آباد یونائیٹڈ مدمقابل آئے۔

(جاری ہے)

پاکستان سپر لیگ 10 کے پہلے کوالی فائر کا ٹاس کوئٹہ گلیڈی ایٹرز نے جیتا۔ کوئٹہ کے کپتان نے ٹاس جیت کر پہلے بیٹنگ کرنے کا فیصلہ کیا۔ دفاعی چیمپئن اسلام آباد کو فائنل میں پہنچنے کیلئے 210 رنز کا ہدف ملا۔ تاہم اسلام آباد کی ٹیم 179 رنز بنا کر پویلین لوٹ گئی۔ واضح رہے کہ آج کے میچ کی فاتح ٹیم کوئٹہ گلیڈی ایٹرز فائنل میں پہنچ گئی ہے۔ جبکہ شکست کھانے والی اسلام آباد یونائیٹڈ کو فائنل تک رسائی کیلئے مزید ایک موقع ملے گا۔