عمر ایوب خان کی خضدار میں سکول بس پر دہشت گردوں کے بزدلانہ حملے کی شدید مذمت

بدھ 21 مئی 2025 16:35

اسلام آباد (اُردو پوائنٹ اخبارتازہ ترین - اے پی پی۔ 21 مئی2025ء) قومی اسمبلی میں قائد حزب اختلاف عمر ایوب خان نے خضدار میں سکول بس پر دہشت گردوں کے بزدلانہ حملے کی شدید الفاظ میں مذمت کرتے ہوئے کہا ہے کہ دہشتگردوں کا سکول بس میں معصوم بچوں پر حملہ بلوچستان میں بدامنی بڑھانے کی کوشش ہے۔دہشتگردوں نے سکول بس پر حملہ کرکے درندگی کی نئی مثال قائم کی ہے ۔

(جاری ہے)

اپوزیشن لیڈر نے اپنے ایک مذمتی بیان میں دہشتگرد حملے میں معصوم بچوں اور اساتذہ کی شہادت پر دکھ کا اظہار کیا اور کہا کہ ذمہ داران کا فوری تعین کرکے انہیں قرار واقعی سزا دی جائے۔ دھماکہ دشمن کی ملک میں عدم استحکام پیدا کرنےکی گھناؤنی سازش ہے۔معصوم بچوں کو نشانہ بنانے والے درندے کسی رعایت کے مستحق نہیں۔ اپوزیشن لیڈر نے زخمیوں کی جلد صحت یابی کے لیے بھی دعا کی۔