روس ، رہائشی اپارٹمنٹ میں آگ لگنے سے 5 افراد ہلاک

جمعہ 23 مئی 2025 21:51

ماسکو (اُردو پوائنٹ اخبارتازہ ترین - آن لائن۔ 23 مئی2025ء) روس کیخود مختار علاقے چکوٹکا کے دارالحکومت انادیر میں رہائشی عمارت میں آگ لگنے سے ایک خاتون سمیت 5افراد ہلاک اور 4 زخمی ہو گئے۔

(جاری ہے)

شنہوا کے مطابق مقامی تحقیقاتی کمیٹی نے جمعہ کو بتایاہے کہ ابتدائی تحقیقات سے معلوم ہوتا ہے کہ آگ بجلی کے گھریلو آلات میں خرابی کی وجہ سے لگی۔آگ مقامی وقت کے مطابق جمعہ کی صبح3 بج کر 10 منٹ پر اپارٹمنٹ کے کچن میں لگی جس کے باعث دھواں اور کاربن مونو آکسائیڈ تیزی سے پھیل گئی،ا?گ لگنے سے 5 افراد ہلاک اور 4 زخمی ہو گئے۔ روس کی ہنگامی صورتحال کی وزارت نے اطلاع دی ہے کہ عمارت سے 17 افراد کو باحفاظت نکال لیا گیا ہے اور آگ پر قابو پا لیا گیا ہے، واقعہ کی تحقیقات جاری ہیں۔