امریکا میں ایک سینٹ کا سکہ بند کرنے کی تصدیق

گلے سال امریکا میں ایک سینٹ کے سکے کی پیداوار بند ہوجائے گی،محکمہ خزانہ

ہفتہ 24 مئی 2025 16:36

واشنگٹن (اُردو پوائنٹ اخبارتازہ ترین - این این آئی۔ 24 مئی2025ء)امریکا میں ایک سینٹ کا سکہ بند کرنے کی تصدیق کردی گئی جو کہ اگلے سال سے بند کردیے جائیں گے۔غیرملکی میڈیا کے مطابق امریکی محکمہ خزانہ نے تصدیق کی ہے کہ اگلے سال امریکا میں ایک سینٹ کے سکے کی پیداوار بند ہوجائے گی۔

(جاری ہے)

اس سے قبل رواں سال صدر ڈونلڈ ٹرمپ نے پینی (ایک سینٹ کا سکہ)کو امریکی خزانے پر بوجھ اور اسے فضول قرار دیا تھا۔

یہ اقدام سکوں کو مکمل طور پر ختم کرنے کی طرف اشارہ ہے جنہیں عام طور پر پینی کہا جاتا ہے اور یہ دو صدی سے زیادہ عرصے سے استعمال میں ہیں۔امریکا میں ان سکوں کے بنانے کی قیمت اور ان کی افادیت پر طویل عرصے سے بحث بھی جاری ہے۔امریکی محکمہ خزانہ کے مطابق گزشتہ 10 سال میں سکوں کی پیداوار کی لاگت 1.3 سینٹ سے بڑھ کر 3.69 سینٹ فی سکہ ہوگئی ہے۔