سپریم کورٹ، مخصوص نشستوں پر نظرثانی درخواستوں کی سماعت پیر 26مئی کو ہوگی

اتوار 25 مئی 2025 16:20

اسلام آباد (اُردو پوائنٹ اخبارتازہ ترین - اے پی پی۔ 25 مئی2025ء) سپریم کورٹ میں مخصوص نشستوں پر نظرثانی درخواستوں کی سماعت (کل)9پیر 26مئی کو ہوگی ۔ سماعت جسٹس امین الدین خان کی سربراہی میں سپریم کورٹ کا گیارہ رکنی آئینی بنچ کرے گا ۔

(جاری ہے)

آئینی بنچ میں جسٹس جمال خان مندوخیل، جسٹس محمد علی مظہر، جسٹس حسن اظہر رضوی، جسٹس نعیم اختر افغان، جسٹس مسرت ہلالی، جسٹس ہاشم کاکڑ، جسٹس شاہد بلال، جسٹس صلاح الدین پنہور، جسٹس عامر فاروق اور جسٹس علی باقر نجفی شامل ہیں ۔

قبل ازیں گزشتہ سماعت پرآئینی بینچ نے مخصوص نشستوں کے کیس میں سنی اتحاد کونسل کی بینچ پر اعتراض اور چھبیسویں آئینی ترمیم کے فیصلے تک سماعت موخر کرنے کی متفرق درخواستیں مسترد کردیں جبکہ کیس کی لائیو اسٹریمنگ کی متفرق درخواست منظور کر لی تھی ۔عدالت نے نظر ثانی کیس کی کارروائی کی لائیو اسٹریمنگ کا حکم دیتے ہوئے سپریم کورٹ آئی ٹی ڈیپارٹمنٹ کو لائیو اسٹریمنگ کے انتظامات کرنے کی ہدایت بھی کی تھی۔