بابائے اردومولوی عبدالحق کی 64 ویں برسی منائی گئی

ہفتہ 16 اگست 2025 14:22

لاہور (اُردو پوائنٹ اخبارتازہ ترین - این این آئی۔ 16 اگست2025ء) بابائے اردو مولوی عبدالحق کی 64ویں برسی عقیدت و احترام کے ساتھ منائی گئی ۔ مولوی عبدالحق برصغیر پاک و ہند کے عظیم اردو مفکر، محقق، ماہر لسانیات، معلم،انجمن ترقی اردو اور اردو کالج کے بانی تھے، انہوں نے کراچی، پاکستان اردو آرٹس کالج، اردو سائنس کالج، اردو کامرس کالج اور اردو لا کالج جیسے ادارے قائم کئے۔

(جاری ہے)

سنہ 1935 میں جامعہ عثمانیہ کے ایک طالب علم محمد یوسف نے انہیں بابائے اردو کا خطاب دیا جس کے بعد یہ خطاب اتنا مقبول ہوا کہ ان کے نام کا جزو بن گیا، 23مارچ 1959ء کو حکومت پاکستان نے صدارتی اعزاز برائے حسن کارکردگی عطاء کیا۔بابائے اردو مولوی عبدالحق کی وفات 16اگست 1961ء کو کراچی میں ہوئی، حکومت پاکستان نے ان کی یاد میں یادگاری ٹکٹ بھی جاری کیا تھا۔

Facebook Twitter Google + Share on Whatsapp

بابائے اردومولوی عبدالحق کی 64 ویں برسی منائی گئی

متعلقہ عنوان :

مزید قومی خبریں