اکشے کمار چارلی چپلن کے مداح نکلے ، بٹوے سے تصویر نکال کر دکھا دی

سلیپ اسٹک کامیڈی کوئی آسان کامیڈی نہیں ہے،اداکار اکشے کمار

بدھ 28 مئی 2025 13:21

اکشے کمار چارلی چپلن کے مداح نکلے ، بٹوے سے تصویر نکال کر دکھا دی

ممبئی (اُردو پوائنٹ اخبارتازہ ترین - این این آئی۔ 28 مئی2025ء)اداکار اکشے کمار نے انکشاف کیا ہے کہ وہ ماضی کے عالمی شہرت یافتہ کامیڈین چارلی چیپلن کی تصویر میں اپنے بٹوے میں رکھتے ہیں۔اکشے کمار اپنی آنے والی فلم ہاس فل 5 کی پروموشن میں مصروف ہیں، اس سلسلے میں انہوں نے فلم سے متعلق میڈیا سے بھی بات کی۔

(جاری ہے)

پریس کانفرنس کے دوران اکشے کمار نے شرکا سے پوچھا کہ کیا وہ اپنے بٹوے میں رکھی چارلی چیپلن کی تصویر دیکھنا چاہتے ہیں تو میڈیا نے فورا ہی یک زبان ہو کر ہاں میں جواب دیا ، تب اکشے کمار نے اپنے بٹوے سے چارلی چیپلن کی تصویر نکال کر دکھائی۔

اکشے کمار نے میڈیا کو بتایا کہ وہ چارلی چیپلن کے بہت بڑے مداح ہیں اور یہی وجہ ہے کہ ان کی تصویر وہ اپنے بٹوے میں رکھتے ہیں۔جب میڈیا نے ان سے پوچھا کہ کیا ہاس فل 5 ایک بار پھر سلیپ اسٹک کامیڈی کو واپس لا رہی ہے، تو اکشے نے کہا کہ اگر میں غلط نہیں ہوں، تو سلیپ اسٹک کامیڈی کوئی آسان کامیڈی نہیں ہے۔انہوں نے کہا کہ نانا پاٹیکر ، رتیش دیشمکھ نے بہت زیادہ کامیڈی کی ہے، وہ اس بات کی تصدیق کر سکتے ہیں کہ ایسی کامیڈی آسان نہیں ہے۔