ح*ائیر بیس کے گرد اڑتے پرندے جہاز اور پائلٹ کیلئے انتہائی خطرناک ہیں،

۵سکوارڈن لیڈرفلائیٹ سیفٹی آفیسر محمد بلال یاسین پی اے ایف بیس رفیقی پر برڈ ہیزرڈ کنٹرول کمیٹی کا اہم اجلاس

بدھ 28 مئی 2025 19:50

ح شورکو ٹ چھائو نی(اُردو پوائنٹ اخبارتازہ ترین - آن لائن۔ 28 مئی2025ء)ائیر بیس کے گرد اڑتے پرندے جہاز اور پائلٹ کیلئے انتہائی خطرناک ہیں، سکوارڈن لیڈرفلائیٹ سیفٹی آفیسر محمد بلال یاسین پی اے ایف بیس رفیقی پر برڈ ہیزرڈ کنٹرول کمیٹی کا اہم اجلاس منعقد ہوا۔ جس کی صدارت سکوارڈن لیڈرفلائیٹ سیفٹی آفیسر محمد بلال یاسین نے کی،جبکہ دیگر شرکاء میں آفیسر کمانڈنگ فلائنگ ونگ گروپ کیپٹن طلال رضا خان،آفیسر کمانڈنگ سیکیورٹی ونگ،ونگ کمانڈرکاشف جمیل سمیت ضلع جھنگ،ضلع ٹوبہ ٹیکسنگھ کے انتظامی و سیکیورٹی افسران نے شرکت کی. سکوارڈن لیڈرفلائیٹ سیفٹی آفیسر محمد بلال نے شرکاء کو بریفنگ دی۔

سکوارڈن لیڈرفلائیٹ سیفٹی آفیسر محمد بلال یاسین نے کہا کہ پائلٹ جیسی قیمتی جان ، قومی اثاثہ کے تحفظ کیلئے اور فضائی حادثات سے بچنے کیلئے اقدامات اٹھانا انتہائی ضروری ہی. انہوں نے ائر بیس کے گردونواح شہری و دیہی آبادی کے مکینوں کیلئے آگاہی مہم تیز کرنے پر زور دیا جبکہ پتنگ بازی، ہوائی فائرنگ، فصلوں کی باقیات جلانا اور خصوصی طور پر آئندہ عید الاضحیٰ کے موقع پر قربانی کی جانوروں کی آلائشیں اور باقیات کو بروقت ٹھکانے لگانا ضروری ہے، جبکہ فلائنگ زون ایریاز میں کبوتر بازی اور پتنگ بازی انتہائی خطرناک کھیل ہیں جن کا سد باب لازم ہے۔

(جاری ہے)

سکوارڈن لیڈرفلائیٹ سیفٹی آفیسر محمد بلال یاسین نے شہریوں سے اس سلسلہ میں باہمی آگاہی مہم پہنچانے کی اپیل کی تاکہ قینتی اثاثوں کا تحفظ یقینی بنایا جاسکے۔