}حج کی برکتیں‘ اندھے پن کا شکار مصری خاتون کی بینائی واپس آگئی

جمعہ 30 مئی 2025 19:35

ًمکہ مکرمہ (اُردو پوائنٹ اخبارتازہ ترین - آن لائن۔ 30 مئی2025ء)مکہ مکرمہ میں حج کیلئے آنے والی مصری خاتون کی بروقت طبی امداد کے باعث بینائی واپس آ گئی، جسے ایک معجزاتی کامیابی قرار دیا جا رہا ہے۔سعودی وزارت صحت کے مطابق، مصری خاتون کو اچانک موتیا بند لاحق ہوا تھا، ساتھ ہی ان کی ریٹینا الگ ہونے کا خدشہ بھی ظاہر کیا گیا تھا، جو ایک خطرناک صورتحال ہے۔

اگر بروقت علاج نہ ہوتا، تو بینائی مستقل طور پر ختم ہو سکتی تھی۔

(جاری ہے)

خاتون کو فوری طور پر کنگ عبداللہ میڈیکل سٹی میں قائم آئی ہیلتھ سینٹر منتقل کیا گیا، جہاں ماہرین نے ان کا فوری آپریشن کیا۔ کامیاب سرجری کے بعد ان کی بینائی واپس آ گئی اور حالت میں بھی نمایاں بہتری دیکھی گئی۔وزارت صحت کے حکام نے تصدیق کی ہے کہ خاتون کو ڈسچارج کر دیا گیا ہے اور وہ اب دوبارہ مناسکِ حج کی ادائیگی کے لیے روانہ ہو چکی ہیں۔یہ واقعہ مکہ مکرمہ کے اسپتالوں میں موجود اعلیٰ معیار کی طبی سہولیات اور فوری رسپانس کی ایک شاندار مثال ہے، جو لاکھوں حجاج کرام کو ہر سال فراہم کی جاتی ہیں۔