Live Updates

آن لائن قربانی کا رجحان بڑھنے لگا

میٹ کمپنیوں نے اپنے رعایتی پیکج جاری کردئیے

اتوار 1 جون 2025 13:05

رائے ونڈ (اُردو پوائنٹ اخبارتازہ ترین - این این آئی۔ 01 جون2025ء)آن لائن قربانی کا رجحان بڑھنے لگا ،میٹ کمپنیوں نے عید سے قبل اپنے رعایتی پیکج جاری کردئیے ۔

(جاری ہے)

تفصیلات کے مطابق رائے ونڈ میں واقع متعدد میٹ فیکٹریز کی جانب سے عیدا لا ضحی کے موقعہ پر آن لائن قربانی کی آفرز کا سلسلہ جاری ہے ،شہر کے قرب وجوار میں واقع ہائوسنگ سوسائٹیز کے رہائشی سینکڑوں افراد آن قربانی کی بکنگ کروانے میں مصروف ہیں اس حوالے سے لوگوں کا کہنا ہے کہ بکر منڈی میں جاکر جانوروں کی تلاش اور بیوپاریوں سے بحث و تکرار مشکل ترین مرحلہ ہے بعدازاں عیدکے روز قصابوں کی تلاش اور منت سماجت کی بجائے آن لائن قربانی انتہائی آسان عمل ہے اس سے انسان تمام مشکلات اور جھنجٹ سے چھٹارا پا سکتا ہے ،ادھر آن لائن قربانی کرنیوالے میٹ پیلس کے ڈائریکٹر حسنین ملک نے کہا کہ جدید دور کے تقاضوں کے مطابق آن لائن قربانی انتہائی آسان عمل ہے اور آئے روز آن لائن قربانی کی رجحان بڑھ رہا ہے انہوں نے مز ید کہا دیار غیر میں رہائش پذیر افراد آن لائن قربانی کرکے سنت ابراہیمی ادا کررہے ہیں اس عمل سے جانوروں کی تلاش سے قصابوں کی من مانیوں سے نجات مل رہی ہے ۔