پاکستانی برآمدات میں جولائی 2025میں 16.43فیصد اضافہ،حجم 2.68ارب ڈالر رہا

پیٹرولیم اورکوئلے کی برآمدات میں 23.37فیصد کمی ہوئی، وفاقی ادارہ شماریات

جمعہ 22 اگست 2025 20:45

پاکستانی برآمدات میں جولائی 2025میں 16.43فیصد اضافہ،حجم 2.68ارب ڈالر رہا

اسلام آباد (اُردو پوائنٹ اخبارتازہ ترین - این این آئی۔ 22 اگست2025ء)وفاقی ادارہ شماریات نے کہاہے کہ پاکستان کی برآمدات میں جولائی 2025میں 16.43فیصد اضافہ ریکارڈ کی گیاہے جس کے بعد حجم 2.68ارب ڈالر ہو گیاہے ۔ادارہ شماریات کے مطابق ٹیکسٹائل برآمدات 32فیصد اضافے سے ایک ارب 67کروڑ ڈالر رہا، ریڈی میڈ گارمنٹس، سوتی دھاگا، کپڑے، نیٹ ویئر،بیڈویئر،ٹالزکی ایکسپورٹ بڑھی ہے ، ٹینٹ، کینوس، ترپال وغیرہ کی برآمدات میں کمی ریکارڈ کی گئی، غذائی اجناس کی برآمدات میں 10.25فیصد کمی ہو ئی اور حجم 42کروڑ 69لاکھ ڈالرریکارڈ کیا گیا ۔

(جاری ہے)

دستاویز کے مطابق گزشتہ مالی سال اسی مدت میں غذائی برآمدات 47کروڑ 57لاکھ ڈالر تھیں، جولائی میں باسمتی چاول، سبزیوں،آئل سیڈز، چینی کی برآمدات میں کمی رہی، پھلوں، مصالحہ جات، گوشت اوراس کی مصنوعات کی برآمدات میں اضافہ ہوا، آٹو پارٹس، لیدر مصنوعات،سرجیکل آلات کی ایکسپورٹ میں بھی اضافہ ہوا ، پلاسٹک میٹریل، ادویات اور ٹرانپسورٹ کے سامان کی برآمدات میں کمی آئی ہے، پیٹرولیم اورکوئلے کی برآمدات میں 23.37 فیصد کمی ہوئی جس کے بعد حجم 4 کروڑ 88 لاکھ ڈالررہا، مخصوص صنعتوں کی برآمدات میں سالانہ بنیاد پر 17.35 فیصد کمی آئی ہے۔