والد جاسوس اوروالدہ منشیات سمگلنگ میں ملوث رہیں: جیکی چن

منگل 3 جون 2025 20:13

ہانگ کانگ(اُردو پوائنٹ اخبارتازہ ترین - آن لائن۔ 03 جون2025ء ) مارشل آرٹس کے ستارے اور مشہور زمانہ اداکار جیکی چن نے چونکا دینے والا انکشاف کیا ہے کہ ان کے والد جاسوس تھے اور والدہ منشیات سمگلنگ میں ملوث رہی تھیں۔ایک انٹرویو میں71 سالہ سپر سٹار جیکی چن نے بتایا کہ انہیں 40 سال کی عمر میں علم ہوا کہ ان کے والد چارلس چن دراصل ایک جاسوس تھے۔

(جاری ہے)

جیکی کے مطابق ایک دن ان کے والد نے ڈرائیونگ کے دوران انہیں بتایا کہ بیٹا، میں بوڑھا ہو گیا ہوں، اور شاید ایک دن سو کر جاگ نہ پاں، اس لیے ایک راز بتا رہا ہوں کہ تمہارا اصل نام چن نہیں بلکہ فنگ ہے اور میں ایک جاسوس ہوں۔

جیکی نے بتایا کہ وہ اس انکشاف پر بے حد حیران ہوئے اور کچھ وقت تک اسے سمجھ نہ سکے۔ان کے والد کی خفیہ زندگی اور والدہ کی ماضی میں منشیات سمگلنگ اور جوا کھیلنے کی سرگرمیوں پر دستاویزی فلم ٹریسز آف دی ڈریگن بنی ہے۔یاد رہے کہ جیکی چن نے 1995 میں رمبل ان دی برونکس سے ہالی ووڈ میں قدم رکھا تھا اور اب کراٹے کڈ: لیجنڈز میں اپنے مشہور کردار مسٹر ہان کے طور پر واپسی کی ہے۔