عائزہ خان نے سوشل میڈیا انفلوئنسرز کو خبردار کردیا

اپنے بچوں کے بارے میں نجی معلومات سوشل میڈیا پر ہرگز شیئر نہ کریں، اداکارہ

بدھ 4 جون 2025 21:35

کراچی (اُردو پوائنٹ اخبارتازہ ترین - این این آئی۔ 04 جون2025ء) اداکارہ عائزہ خان نے سوشل میڈیا انفلوئنسرز کو خبردار کردیا۔انسٹا سٹوری پر اداکارہ نے لکھا کہ سوشل میڈیا کے فوائد اور نقصانات کو سمجھیں اور ہمارے معاشرے میں رہتے ہوئے تو یہ بہت ضروری ہے۔

(جاری ہے)

اداکارہ نے لکھا کہ اپنے گھر کا پتہ، گاڑی کا نمبر، ایسی جگہیں جہاں روزانہ کی بنیاد پر آنا جانا ہو اور اپنے بچوں کے بارے میں نجی معلومات سوشل میڈیا پر ہرگز شیئر نہ کریں۔

انہوں نے لکھا کہ وقت بدل گیا اور اب نجی معلومات سوشل میڈیا پر بالکل بھی محفوظ نہیں ہیں۔ اداکارہ نے لکھا کہ آپ کے سوشل میڈیا فالوورز کا انتخاب آپ خود نہیں کرتے بلکہ دنیا بھر سے لوگ آپ کو فالو کرتے ہیں اس لیے سوشل میڈیا پر کچھ بھی شیئر کرتے ہوئے ذمہ داری کا مظاہرہ کریں۔انہوں نے اپنی انسٹا اسٹوری کے آخر میں لکھا کہ اللہ ہم سب کو اپنی حفاظت میں اور اچھے لوگوں کی صحبت میں رکھے۔