مسٹربیسٹ نے شادی کے اخراجات کیلئے والدہ سے ادھار لے لیا

کاغذوں میں میری کمپنیوں کی مالیت کافی زیادہ ہے، حقیقت میں ذاتی بینک اکائونٹ کی صورتحال کچھ اور ہی کہانی سناتی ہے، یوٹیوبر

بدھ 4 جون 2025 21:35

مسٹربیسٹ نے شادی کے اخراجات کیلئے والدہ سے ادھار لے لیا

نیو یارک (اُردو پوائنٹ اخبارتازہ ترین - این این آئی۔ 04 جون2025ء)معروف یوٹیوبر مسٹر بیسٹ نے شادی کے اخراجات کے لیے والدہ سے رقم ادھار لے لی۔اربوں روپے مالیت کی شہرت رکھنے والے مسٹر بیسٹ نے سوشل میڈیا پلیٹ فارم ایکس پر پوسٹ کا جواب دیتے ہوئے بتایا کہ وہ اس وقت ذاتی طور پر بہت کم رقم رکھتے ہیں، کیونکہ وہ اپنی تمام آمدنی دوبارہ اپنے مواد (کنٹینٹ) میں لگا دیتے ہیں۔

(جاری ہے)

انہوں نے لکھا کہ میرے پاس ذاتی طور پر بہت کم پیسہ ہے کیونکہ میں سب کچھ دوبارہ اپنے مواد میں لگاتا ہوں، مجھے لگتا ہے کہ ہم اس سال تقریبا 25 کروڑ ڈالر صرف ویڈیوز پر خرچ کریں گے۔مسٹر بیسٹ نے اعتراف کیا کہ دلچسپ بات یہ ہے کہ میں اپنی شادی کے اخراجات کے لیے والدہ سے رقم ادھار لے رہا ہوں۔انہوں نے کہا کہ کاغذوں میں میری کمپنیوں کی مالیت کافی زیادہ ہے، لیکن میرے ذاتی بینک اکائونٹ کی صورتحال کچھ اور ہی کہانی سناتی ہے۔