سونیا حسین لباس کی وجہ سے ایک بار پھر تنقید کی زد میں آگئیں

بدھ 4 جون 2025 21:37

کراچی (اُردو پوائنٹ اخبارتازہ ترین - این این آئی۔ 04 جون2025ء)اداکارہ سونیا حسین اپنے لباس کے انتخاب کی وجہ سے ایک بار پھر تنقید کا شکار ہوگئیں۔

(جاری ہے)

میڈیا رپورٹ کے مطابق اداکارہ آج کل اپنی نئی فلم دیمک کے پروموشن میں مصروف ہیں اور اسی دوران فلم کے مقامی سنیما میں ہونے والے پریمیئر کی کچھ تصاویر اور ویڈیوز سوشل میڈیا پر وائرل ہو رہی ہیں۔سونیا حسین ان وائرل ویڈیوز اور تصاویر میں جامنی رنگ کی فیوژن ساڑھی پہنے چلنے میں دشواری کا سامنا ہونے کی وجہ سے کافی پریشان نظر آ رہی ہیں۔مداحوں کو بھی اداکارہ کا یہ لباس پسند نہیں آیا اور وہ ان کے لباس کے انتخاب پر تنقید کر رہے ہیں۔سوشل میڈیا صارفین نے سونیا حسین کو مناسب اور آرام دہ لباس پہننے کا مشورہ بھی دیا ہے۔