ڈراموں میں مصروف ہوں، فلم انڈسٹری کی بحالی میں وقت لگے گا، کنزا ہاشمی

بیرونِ ملک سے بھی آفرزآ رہی ہیں، لیکن ذاتی طور پر پاکستانی پروڈکشنزکوترجیح دیتی ہوں

جمعہ 6 جون 2025 10:50

کراچی (اُردو پوائنٹ اخبارتازہ ترین - این این آئی۔ 06 جون2025ء)معروف اداکارہ کنزا ہاشمی نے کہا ہے کہ وہ ان دنوں کئی ٹی وی ڈراموں میں مصروف ہیں اور مداحوں کو جلد خوشگوار سرپرائز دیں گی۔ اداکارہ کنزا ہاشمی نے میڈیا سے گفتگو کرتے ہوئے کہا کہ فلم انڈسٹری کا سنہری دور ابھی دور ہے اور اس کی مکمل بحالی میں خاصا وقت لگے گا۔

(جاری ہے)

کنزا کا کہنا تھا کہ شوبز انڈسٹری کو پہنچنے والا نقصان بہت گہرا ہے، جس کا ازالہ فوری طور پر ممکن نظر نہیں آتا، کئی پروڈیوسرز دیوالیہ ہو چکے ہیں، جبکہ بہت سے فنکار خاموشی سے سفید پوشی کی زندگی گزار رہے ہیں۔انہوں نے کہا کہ بیرونِ ملک سے بھی آفرزآ رہی ہیں، لیکن ذاتی طور پر پاکستانی پروڈکشنزکوترجیح دیتی ہوں، میرے لیے معیاری کردار ہی سب کچھ ہیں۔