خیبرپختونخوا کے سرکاری جنرل اور کامرس کالجز میں ہزاروں اساتذہ کی آسامیاں برسوں سے خالی

منگل 10 جون 2025 14:24

پشاور (اُردو پوائنٹ اخبارتازہ ترین - اے پی پی۔ 10 جون2025ء) خیبرپختونخوا کے سرکاری جنرل اور کامرس کالجز میں ہزاروں اساتذہ کی آسامیاں برسوں سے خالی پڑی ہیں جس کے باعث تعلیمی سرگرمیاں بری طرح متاثر ہو رہی ہیں۔سرکاری دستاویزات کے مطابق صوبے کے 200 سے زائد جنرل کالجز میں 2 ہزار 722 آسامیوں پر بھرتیاں ہونا باقی ہیں۔

(جاری ہے)

ان میں گریڈ 17 کے لیکچررز کی 1 ہزار 608 آسامیاں بھی شامل ہیں، اس کے علاوہ اسسٹنٹ پروفیسر، ایسوسی ایٹ پروفیسر، پروفیسرز اور پرنسپل جیسے اہم عہدے بھی خالی پڑے ہیں۔

کامرس کالجز میں 3 ہزار 86 آسامیاں تاحال پر نہیں کی جا سکیں، یہاں گریڈ 21 تک کے تدریسی عہدے بھی خالی ہیں جس سے معیاری تعلیم کا حصول شدید متاثر ہو رہا ہے۔محکمہ اعلیٰ تعلیم کے حکام کا کہنا ہے کہ خالی آسامیوں کو پر کرنے کے لیے اقدامات کیے جا رہے ہیں تاہم مالی مشکلات کے باعث ان پر بروقت بھرتی ممکن نہیں ہو سکی، بھرتیوں کے عمل کو جلد از جلد مکمل کرنے کی کوششیں جاری ہیں۔