اسلام آباد سے کراچی جانیوالی پرواز سے پرندہ ٹکرا گیا، طیارہ حادثے سے بال بال بچا

اتوار 17 اگست 2025 11:30

اسلام آباد(اُردو پوائنٹ اخبارتازہ ترین - این این آئی۔ 17 اگست2025ء) اسلام آباد سے کراچی آنے والی نجی ایئرلائن کی پرواز حادثے سے بال بال بچ گئی۔اسلام آباد سے کراچی جانے والی نجی ایئرلائن کے طیارے سے پرندہ ٹکرا گیا، جس کے بعد کپتان نے فوری طور پر رن وے پر ہی جہاز کو روک لیا۔

(جاری ہے)

اس واقعے کے فوراً بعد انجینیئرز کی ٹیم موقع پر پہنچی اور طیارے کا تفصیلی معائنہ کیا۔زرائع کے مطابق پرواز میں تاخیر ہونے کی وجہ سے مسافروں میں شدید اضطراب پیدا ہوا اور وہ طیارے میں شور شرابہ کرتے رہے۔پاکستان ایئرپورٹس اتھارٹی کے ترجمان نے اس واقعے کی تفصیلات فراہم کرتے ہوئے بتایا کہ معائنہ کے بعد طیارے کو کراچی کے لیے روانہ کر دیا گیا ہے اور پرواز میں مزید کسی تکنیکی خرابی کا سامنا نہیں تھا۔