آسٹریلوی کرکٹ ٹیم نے تیز رفتار کار چلانے کا شوق پورا کرلیا

آسٹریلوی فارمولا ون اسٹار آسکر پیاسٹری کی دعوت پر اسکواڈ کے کھلاڑی میکلارن کے ہیڈ کوارٹرز گئے

جمعرات 12 جون 2025 11:30

لندن (اُردو پوائنٹ اخبارتازہ ترین - این این آئی۔ 12 جون2025ء)انگلینڈ میں موجود آسٹریلوی کرکٹ ٹیم کے کھلاڑیوں نے تیز رفتار کار چلانے کا شوق پورا کر لیا۔آسٹریلوی فارمولا ون اسٹار آسکر پیاسٹری کی دعوت پر اسکواڈ کے کھلاڑی میکلارن کے ہیڈ کوارٹرز گئے جہاں پہلے کھلاڑیوں اور اسپورٹس اسٹاف کو فارمولا ون کی تکنیکی چیزوں کے بارے میں بتایا گیا۔

(جاری ہے)

کھلاڑیوں میں نیتھن لیوئن، میچل اسٹارک، عثمان خواجہ، سیم کونسٹاس اور برینڈن ڈاگٹ موجود تھے، آسٹریلوی کھلاڑیوں نے اسے ایک نیا تجربہ قرار دیا۔فارمولا ون اسٹار آسکر پیاسٹری باکسنگ ڈے ٹیسٹ کے موقع پر ایم سی جی میں موجود ہوتے ہیں۔آسکر پیاسٹری ورلڈ ٹیسٹ چیمپیئن شپ کے دوران آسٹریلوی ٹیم کی حوصلہ افزائی کے لیے لارڈز میں موجود نہیں ہوں گے کیونکہ اُنہیں فارمولا ون ورلڈ ٹائٹل فائٹ کے لیے کینیڈا جانا ہے۔