Live Updates

پی ایس ایل 10 کی ٹکٹوں کی واپسی پیرسے شروع ہوگی

یہ ملتان اور راولپنڈی کے میچز ہیں جو نہیں ہوسکے تھے۔رقم کی واپسی 16 تا 20 جون تک عمل میں لائی جائیگی

ہفتہ 14 جون 2025 14:08

پی ایس ایل 10 کی ٹکٹوں کی واپسی پیرسے شروع ہوگی

لاہور(اُردو پوائنٹ اخبارتازہ ترین - این این آئی۔ 14 جون2025ء) پاکستان سپر لیگ سیزن 10 کے میچوں کے ٹکٹوں کی واپسی کا عمل پیر 16 جون سے شروع ہو گا، یہ ملتان اور راولپنڈی کے میچز ہیں جو ری شیڈولنگ کی وجہ سے نہیں ہوسکے تھے۔رقم کی واپسی 16 تا 20 جون تک عمل میں لائی جائیگی، فزیکل ٹکٹوں کی واپسی نامزد ٹی سی ایس ایکسپریس مراکز پر دستیاب ہوگی۔

(جاری ہے)

ٹکٹوں کی واپسی پیر سے جمعہ تک روزانہ صبح 10 بجے سے شام 4 بجے تک لاہور کے گلبرگ آفس، ملتان کے ایریا آفس، راولپنڈی مین ایکسپریس سینٹر، بہاولپور کے میں ایکسپریس سینٹر ماڈل ٹاؤن، رحیم یار خان کے اسٹیشن آفس اور اسلام آباد کے I/9 ایکسپریس سینٹر سے ممکن ہوسکے گی۔

نقد رقم کی واپسی کا دعوی کرنے کے لیے ٹکٹ ہولڈرز کو خریدار کے قومی شناختی کارڈ کے ساتھ اصل ٹکٹ پیش کرنا ہوں گے جو خراب نہ ہوئے ہوں جن کی تصدیق ٹی سی ایس عملہ کرے گا۔آن لائن خریدی گئی ٹکٹوں کی رقم خریداری کے وقت استعمال کیے گئے اکاؤنٹ میں خود بخود واپس کر دی جائے گی اور اس کے لیے خریدار کو ایکسپریس سینٹرز جانے کی ضرورت نہیں ہے۔کارپوریٹ کلائنٹس کے لیے متعلقہ کمپنیوں کو اپنے اکاؤنٹ کی تفصیلات بذریعہ ای میل فراہم کرنی ہوں گی تاکہ ریفنڈز منتقل کیے جائیں۔