فیصل آباد پولیس نے منشیات فروش کو گرفتار کرکے 300 لیٹر شراب برآمد کرلی

ہفتہ 14 جون 2025 11:22

فیصل آباد (اُردو پوائنٹ اخبارتازہ ترین - این این آئی۔ 14 جون2025ء)فیصل آباد پولیس نے منشیات فروش کو گرفتار کرکے 300 لیٹر شراب برآمد کرلی۔ تفصیلات کے مطابق سٹی پولیس آفیسر فیصل آباد کی ہدایت پر منشیات فروشوں کے خلاف تھانہ بٹالہ کالونی پولیس نے کارروائی کرکے منشیات فروش ہارون کو گرفتار کرکے 300 لیٹر شراب برآمد کرلی۔

(جاری ہے)

ترجمان نے بتایا کہ ملزم وارث پورہ گلی نمبر 4 میں شراب کے 10 کین لے کر سواری کے انتظار میں کھڑ اتھا کہ پولیس نے ریڈ کرکے ملزم کے قبضہ سے 300 لیٹر شراب برآمد کر لی۔ ملزم شہر کے مختلف علاقوں میں شراب کی سپلائی کرتا تھا۔ ملزم کے خلاف تھانہ بٹالہ کالونی پولیس نے مقدمہ درج کر کے بیک ٹریک سورسز کے بارے میں تفتیش شروع کر دی۔