فیصل آباد،کاشتکاروں کو دھان کی منظور شدہ اقسام کی پنیری کی کاشت اور کھیتوں میں منتقلی کے شیڈول پر عملدرآمد کی ہدایت

منگل 17 جون 2025 16:49

فیصل آباد (اُردو پوائنٹ اخبارتازہ ترین - اے پی پی۔ 17 جون2025ء) محکمہ زراعت نے دھان کی منظور شدہ اقسام کی پنیری کی کاشت اور اس کی کھیتوں میں منتقلی کے شیڈول پر سختی سے عملدرآمدکی ہدایت کی ہے۔

(جاری ہے)

نظامت زرعی اطلاعات محکمہ زراعت فیصل آباد کے ترجمان نے کاشتکاروں کو آگاہ کیاکہ سپرباسمتی، پی ایس 2، باستمی 385، باسمتی 2000، باسمتی 515 اور باسمتی 370وغیرہ کی پنیری 20جون تک کاشت کرکے یکم جولائی سے 20جولائی تک، باسمتی 198 ساہیوال، اوکاڑہ اور ملحقہ علاقوں میں پنیری کی کاشت 15جون تک کاشت کرکے یکم جولائی سے 15جولائی تک، شاہین باسمتی وغیرہ کی پنیری کی کاشت 15جون سے 30جون تک کاشت کرکے 15جولائی سے 31 جولائی تک، کے ایس 282، نایاب اری 9، اری 6، کے ایس کے 133، کے ایس کے 434،پی کے 386، نیاب 2013وغیرہ کی پنیری کی کاشت 7جون تک کاشت کرکے 20جون سے 7جولائی تک کھیت میں منتقل کی جاسکتی ہے۔

انہوں نے بتایاکہ 15 جون تک وائے 26، پرائیڈ 1، شہنشاہ 2، پی ایچ پی 71وغیرہ کی پنیری کو کاشت کرکے اس کی عمر 25 سے30 دن ہونے پر اسے کھیت میں منتقل کیاجا سکتا ہے۔ انہوں نے بتایاکہ بروقت اور شیڈول کے مطابق پنیری کی کاشت اور اس کی کھیتوں میں منتقلی سے بہتر پیداوار حاصل کی جاسکتی ہے۔

Facebook Twitter Google + Share on Whatsapp

فیصل آباد،کاشتکاروں کو دھان کی منظور شدہ اقسام کی پنیری کی کاشت اور کھیتوں میں منتقلی کے شیڈول پر عملدرآمد کی ہدایت

متعلقہ عنوان :

مزید زراعت کی خبریں