چین نے ہمیشہ وسطی ایشیا کو اپنی ہمسائیگی سفارتکاری میں ایک ترجیح کے طور پر دیکھا ہے، تر جمان وزارت خارجہ

بدھ 18 جون 2025 21:10

بیجنگ (اُردو پوائنٹ اخبارتازہ ترین - این این آئی۔ 18 جون2025ء) چینی وزارت خارجہ کے ترجمان گو جیاکھون نے یومیہ پریس کانفرنس میں دوسری چین وسطی ایشیا سمٹ کے بارے میں ایک سوال کا جواب دیتے ہوئے کہا کہ صدر شی جن پھنگ نے سمٹ سے کلیدی خطاب کیا، جس میں پہلی بار "چین۔وسطی ایشیا روح " پیش کی گئی ہے۔ سمٹ کی ایک خاص بات یہ تھی کہ تمام فریقوں نے "باہمی احترام، باہمی اعتماد، باہمی فائدے اور باہمی امداد، اور اعلیٰ معیار کی ترقی کے ساتھ مشترکہ جدیدکاری کو فروغ دینی" پر مبنی "چین وسطی ایشیا روح " کو بھرپور طریقے سے فروغ دینے پر اتفاق کیا ۔

اجلاس کے اہم ثمرات میں سے ایک مستقل اچھی ہمسائیگی، دوستی اور تعاون کے معاہدے پر دستخط کرنا تھا، جو چھ ممالک کے درمیان تعلقات کی تاریخ میں ایک نیا سنگ میل ہے۔

(جاری ہے)

سمٹ نے مستقبل کے تعاون کی ترجیحات کو واضح کیا ہے ، جس میں تعاون کی چھ ترجیحی سمتوں کو فروغ دینے پر توجہ مرکوز کی گئی، ان میں بلا روک ٹوک تجارت ، صنعتی سرمایہ کاری ، رابطہ کاری ، سبز معدنیات ، زرعی جدیدکاری ، اور افرادی تبادلہ شامل ہے تاکہ اعلیٰ معیار کی علاقائی ترقی کو فروغ دیا جائے ، اور مشترکہ جدیدکاری کے لئے مل کر کام کیا جائے۔

چین نے ہمیشہ وسطی ایشیا کو اپنی ہمسائیگی سفارتکاری میں ایک ترجیح کے طور پر دیکھا ہے ، اور چین وسطی ایشیائی ممالک کے ساتھ مل کر کام کرنے کے لئے تیار ہے تاکہ چین وسطی ایشیا ہم نصیب معاشرے کی تعمیر کو فروغ دیا جاسکے اور ایک مثال قائم کی جاسکے۔

Facebook Twitter Google + Share on Whatsapp

چین نے ہمیشہ وسطی ایشیا کو اپنی ہمسائیگی سفارتکاری میں ایک ترجیح کے طور پر دیکھا ہے، تر جمان وزارت خارجہ

متعلقہ عنوان :

مزید بین الاقوامی خبریں