قائمہ کمیٹی خزانہ نے کمرشل پراپرٹی پر4 فیصد رینٹل مقررکرنے کی تجویز مسترد کر دی

ایف بی آر کے پراپرٹی ریٹس ڈی سی ریٹس سے بہت بہتر ہیں ‘چیئرمین ایف بی آر

جمعہ 20 جون 2025 22:31

قائمہ کمیٹی خزانہ نے کمرشل پراپرٹی پر4 فیصد رینٹل مقررکرنے کی تجویز ..

اسلام آباد(اُردو پوائنٹ اخبارتازہ ترین - این این آئی۔ 20 جون2025ء)قومی اسمبلی کی قائمہ کمیٹی برائے خزانہ کا اجلاس چیئرمین نوید قمر کی صدارت میں اجلاس ہوا جس میںکمر شل پراپرٹی پر 4 فیصد رینٹل مقرر کرنے کی تجویز مسترد کر دی گئی ۔

(جاری ہے)

اجلاس کے دوران مرزااختیار بیگ نے کہا کہ کمرشل پراپرٹی پر رینٹل کی شرح کو کم کیا جائے ، چیئرمین ایف بی آر راشد محمود لنگڑیال نے کہا کہ رینٹل کو کم نہیں کیا جا سکتا، پہلے ٹیکس افسران کے پاس رینٹل مقرر کرنا کا اختیار تھا، اگر کمیٹی اختیار نہیں دینا چاہتی تو ہم اپنی تجویز واپس لے لیتے ہیں۔

اسامہ میلہ نے کہا کہ شہروں میں تو رینٹل 4 فیصد ہو سکتا ہے مگر دیہات کیلئے مشکل ہے۔چیئرمین ایف بی آر نے کہا کہ اسے ایک بار چلنے تو دیں اگر اچھا نہ ہوا تو آئندہ مالی سال ترامیم کر دیں گے، ایف بی آر کے پراپرٹی ریٹس ڈی سی ریٹس سے بہت بہتر ہیں۔ چیئرمین کمیٹی نوید قمر نے کہا کہ اس قانون میں نظرثانی کی بھی گنجائش رکھی جائے۔ راشد محمود لنگڑیال نے کہا کہ اس کا اطلاق ہونے دیں اگر کسی علاقے میں زیادہ لگا تو کم کر دیں گے، کمیٹی نے کمرشل پراپرٹی کا 4 فیصد رینٹل مقرر کرنے کی تجویز کو مسترد کر دیا۔