حضرت عمر فاروق ؓ کی بے مثال قیادت، اعلیٰ کردار اور قانون کی حکمرانی پر مبنی نظام آج بھی مشعلِ راہ ہے،صوبائی وزیر عدنان قادری

جمعہ 27 جون 2025 18:01

پشاور (اُردو پوائنٹ اخبارتازہ ترین - اے پی پی۔ 27 جون2025ء) خیبر پختونخوا کے وزیربرائے اوقاف و مذہبی امورعدنان قادری نے یکم محرم الحرام کے موقع پر جاری پیغام میں کہا ہے کہ یکم محرم الحرام نہ صرف نئے اسلامی سال کا آغاز ہے بلکہ یہ دن خلیفہ دوم حضرت عمر فاروق رضی اللہ عنہ کی عظیم شہادت کی یاد بھی دلاتا ہے، جنہوں نے عدل، امن، مساوات اور فلاحی ریاست کی بنیاد رکھی۔

صوبائی وزیر کا کہنا تھا کہ حضرت عمرؓ کی شہادت انسانیت، دینِ اسلام اور خلافت کی تاریخ میں ایک ناقابلِ فراموش باب ہے۔

(جاری ہے)

ان کی بے مثال قیادت، اعلیٰ کردار اور قانون کی حکمرانی پر مبنی نظام آج بھی ہمارے لیے مشعلِ راہ ہے۔حکومتِ خیبر پختونخوا نے یکم محرم الحرام کے موقع پر خصوصی تعطیل کا اعلان کیا ہے تاکہ عوام اس دن کو عقیدت، احترام اور غور و فکر کے ساتھ گزار سکیں۔

اپنے پیغام میں صوبائی وزیر نے عوام سے اپیل کی کہ اس موقع پر اپنے کردار، نیتوں اور اجتماعی طرزِ زندگی کا محاسبہ کریں اور حضرت عمرؓ کے نقشِ قدم پر چلنے کا عزم کریں تاکہ ہمارا معاشرہ عدل، امن اور اتحاد کا گہوارہ بن سکے۔انہوں نے دعا کی کہ اللہ تعالیٰ ہمیں نئے اسلامی سال میں خیر، برکت اور دین پر استقامت عطا فرمائے۔

Facebook Twitter Google + Share on Whatsapp

حضرت عمر فاروق ؓ کی بے مثال قیادت، اعلیٰ کردار اور قانون کی حکمرانی پر مبنی نظام آج بھی مشعلِ راہ ہے،صوبائی وزیر عدنان قادری

متعلقہ عنوان :

مزید قومی خبریں