پنجاب بھر میں بارش کے دوران مختلف حادثات میں 11 افراد جاں بحق

جمعہ 27 جون 2025 21:00

لاہور (اُردو پوائنٹ اخبارتازہ ترین - آن لائن۔ 27 جون2025ء) پنجاب بھر میں گزشتہ روز ہونے والی بارش کے دوران مختلف حادثات و واقعات میں 11 افراد جاں بحق جبکہ 47 زخمی ہو گئے۔

(جاری ہے)

ترجمان ریسکیو پنجاب فاروق احمد کے مطابق، زخمیوں کو فوری طور پر جائے وقوعہ سے ریسکیو کر کے ابتدائی طبی امداد فراہم کی گئی اور سنگین زخمیوں کو قریبی اسپتالوں میں منتقل کیا گیا۔ریسکیو ٹیموں نے تیز بارش کے دوران متحرک انداز میں مختلف اضلاع میں ہونے والے حادثات میں بروقت کارروائی کی اور شہریوں کی جانیں بچانے کی بھرپور کوشش کی۔ترجمان کا کہنا ہے کہ ریسکیو 1122 پنجاب کی ٹیمیں موسم کی شدت کے باوجود الرٹ رہیں اور فوری رسپانس کو یقینی بنایا گیا تاکہ کسی بھی ہنگامی صورتحال سے مؤثر انداز میں نمٹا جا سکے۔