پسماندہ علاقوں کو انٹرنیٹ سروس کی فراہمی کیلیے 7 منصوبوں کی منظوری

براڈ بینڈ کے 5 اور آپٹیکل فائبر بچھانے کے 2 منصوبوں کی منظوری دیدی گئی

اتوار 29 جون 2025 20:25

اسلام آباد (اُردو پوائنٹ اخبارتازہ ترین - این این آئی۔ 29 جون2025ء)پسماندہ علاقوں کو موبائل فون اور انٹرنیٹ کی سہولت کی فراہمی کیلیے یونیورسل سروس فنڈز بورڈ نے 7 منصوبوں کی منظوری دے دی۔چیئرمین یو ایس ایف بورڈ ضرار خان کے مطابق 12 اضلاع کے منصوبوں پر 7 ارب 49 کروڑ روپے خرچ ہوں گے۔

(جاری ہے)

ان میں براڈ بینڈ کے 5 اور 940 کلومیٹرآپٹیکل فائبر بچھانے کے دو منصوبے شامل ہیں،منصوبوں کے تحت 347 دیہات اور 113 ٹاؤن اور یونین کونسلز ڈیجیٹل کنکٹیویٹی سے منسلک ہوں گی، 940 کلومیٹر طویل آپٹیکل فائبرسے 28 لاکھ صارفین مستفید ہوں گے۔

چیف ایگزیکٹو یو ایس ایف کے مطابق سانگھڑ میں 415 کلومیٹر اور جھنگ کے اطراف سوا 500 کلومیٹر طویل کیبل بچھائی جائیگی۔ اٹک، خوشاب، سرگودھا، بہاولپور، فیصل آباد، حافظ آباد، شیخوپورہ،چنیوٹ، بدین اور ایبٹ آباد کے دیہات کو فورجی سروس ملے گی۔