امریکی گلوکارہ کنسرٹ میں خوفناک حادثے سے بال بال بچ گئیں

گلوکارہ بیونسے نے اپنی ادھوری پرفامارمنس کو اسٹیج پر مکمل کیا اور یوں ایک دفعہ پھر سماں بندھ گیا

منگل 1 جولائی 2025 13:20

امریکی گلوکارہ کنسرٹ میں خوفناک حادثے سے بال بال بچ گئیں

ہیوسٹن (اُردو پوائنٹ اخبارتازہ ترین - این این آئی۔ 01 جولائی2025ء)امریکا کی عالمی شہرت یافتہ گلوکارہ بیونسے ہزاروں شائقین کے سامنے پرفارمنس دیتے ہوئے ایک ہولناک حادثے کا شکار ہوتے ہوتے بچ گئیں۔عالمی خبر رساں ادارے کے مطابق یہ کنسرٹ ہیوسٹن میں جاری تھا اور اسٹیڈیم مداحوں سے کھچا کھچ بھرا تھا۔گلوکارہ بیونسے نے ہوا میں معلق گاڑی میں بیٹھ کر انٹری دینی تھی۔

وہ اپنے ایک مشہور گانے پر پرفارمنس دے رہی تھیں۔اس دوران اچانک وہ کار ایک جانب جھکنے لگتے ہے۔ کار اتنی زیادہ ایک جانب جھک جاتی ہے کہ بیونسے کو لگتا ہے وہ بلندی سے نچے گر جائیں گی۔گلوکارہ بیونسے نے حاضر دماغی کا مظاہرہ کرتے ہوئے کار جن رسیوں سے لٹکی ہوتی ہے اسے پکڑ لیا تاکہ توازن برقرار رکھ سکیں اور گاڑی سے نیچے نہ گریں۔

(جاری ہے)

بیونسے نے بغیر گھبرائے صورت حال کی سنجیدگی کا اندازہ لگایا اور گانا فوری بند کر کے کہا ’’رک جائو، رک جائو!اسی لمحے موسیقی بند ہوگئی۔

منتظمین نے صورت حال کو سنبھالا اور کار کو آہستی آہستہ نیچے لے آئے۔ گلوکارہ نے مسکراتے ہوئے شائقین کو مخاطب کرتے ہوئے کہا کہ آپ کے صبر کا شکریہ۔گاڑی سے بخیروعافیت اتر کر بیونسے نے مداحوں کی تالیوں کا جواب ہاتھ ہلا کر دیا اور کہا کہ اگر میں کار سے گرتی بھی تو مجھے معلوم ہے آپ لوگ مجھے سنبھال لیتے۔جس پر اسٹیڈیم تالیوں سے گونج اٹھا اور گلوکارہ بیونسے نے اپنی ادھوری پرفامارمنس کو اسٹیج پر مکمل کیا۔ ایک دفعہ پھر سماں بندھ گیا۔