آئی جی ڈاکٹر عثمان انور نے پولیس ملازمین کے علاج معالجے کیلئے مزید28 لاکھ روپے فنڈز جاری کر دیئے

جمعہ 4 جولائی 2025 10:50

لاہور (اُردو پوائنٹ اخبارتازہ ترین - اے پی پی۔ 04 جولائی2025ء) پنجاب پولیس اپنی فورس اور ان کے اہل خانہ کی صحت اور ویلفیئر کے لئے پر عزم ہے۔آئی جی پنجاب ڈاکٹر عثمان انور نے پولیس ملازمین اور انکے اہلخانہ کے علاج معالجے کیلئے مزید 28 لاکھ روپے فنڈز جاری کر دیئے، ترجمان پنجاب پولیس کے مطابق اے ایس آئی حسین احمد شاہ کو گردوں کے علاج معالجے کیلئے10 لاکھ روپے فنڈز جاری کئے گئے۔

(جاری ہے)

کانسٹیبل دانیال صفدر کو بیٹے کی اوپن ہارٹ سرجری کیلئے10 لاکھ روپے دیئے گئے، اے ایس آئی علی اقبال کو علاج معالجے کیلئے05 لاکھ روپے فنڈز جاری کئے گئے۔اے ایس آئی اعجاز حسین کو پتھری کے علاج معالجے کیلئے01 لاکھ روپے، کانسٹیبل محمد عارف کو بازو فریکچر کے علاج معالجے کے لئے 1 لاکھ روپے،ہیڈ کانسٹیبل امتیاز احمد کو ریڑھ کی ہڈی کے علاج معالجے کیے لئے ایک لاکھ روپے دیئے گئے،آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی۔آئی جی پنجاب نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔