ٹاپ سیڈڈ لی فینگ چیہ اور لی فینگ جین کینیڈا اوپن بیڈ منٹن مینز ڈبلز کوارٹر فائنل میں پہنچ گئے

جمعہ 4 جولائی 2025 16:53

اوٹاوا (اُردو پوائنٹ اخبارتازہ ترین - اے پی پی۔ 04 جولائی2025ء) چائنیزتائپے کے نامور بیڈ منٹن کھلاڑی لی فینگ چیہ اور ہم وطن جوڑی دار لی فینگ جین پر مشتمل ٹاپ سیڈڈ جوڑی بی ڈبلیو ایف ورلڈ ٹور کےکینیڈا اوپن بیڈ منٹن ٹورنامنٹ میں مردوں کے ڈبلز مقابلوں کے کوارٹر فائنل رائونڈ میں پہنچ گئی ۔ ٹاپ سیڈڈ لی فینگ چیہ اور لی فینگ جین نے مینز ڈبلز مقابلوں کے دوسرے رائونڈ میچ میں انگلینڈ کے رورے ایسٹن اور ان کے ہم وطن جوڑی دار ایلکس گرین پر مشتمل برطانوی جوڑی کو0-2 سے شکست دی۔

(جاری ہے)

کینیڈا کےشہر مارکھم کے مارکھم پین ایم سینٹر میں جاری کینیڈا بیڈ منٹن اوپن ٹورنامنٹ کے کانٹے دار مقابلے جاری ہیں ۔جمعہ کو کینیڈا اوپن بیڈمنٹن اوپن ٹورنامنٹ میں کھیلے گئے مردوں کے ڈبلز مقابلوں کے دوسرے رائونڈ میچ میں چائنیزتائپے کے نامور بیڈ منٹن کھلاڑی لی فینگ چیہ اور ہم وطن جوڑی دار لی فینگ جین پر مشتمل ٹاپ سیڈڈ جوڑی نے شاندار کارکردگی کی مظاہرہ کرتے ہوئے برازیل کے حریف انگلینڈ کے رورے ایسٹن اور ان کے ہم وطن جوڑی دار ایلکس گرین پر مشتمل برطانوی جوڑی کو سٹریٹ سیٹس میں 12-21 اور 11-21 سے شکست دے کر ٹورنامنٹ کے کوارٹر فائنل رائونڈ کے لئے کوالیفائی کرلیا۔ \932