سپیکرقومی اسمبلی سردارایازصادق کی جسٹس سردار سرفراز ڈوگر کو چیف جسٹس اسلام آباد ہائی کورٹ کےعہدے کا حلف اٹھانے پر مبارکباد

منگل 8 جولائی 2025 20:57

اسلام آباد (اُردو پوائنٹ اخبارتازہ ترین - اے پی پی۔ 08 جولائی2025ء) سپیکر قومی اسمبلی سردار ایاز صادق نے جسٹس سردار سرفراز ڈوگر کو چیف جسٹس اسلام آباد ہائی کورٹ کےعہدے کا حلف اٹھانے پر مبارکباد دی ہے اور ان کے لئے نیک خواہشات کا اظہار کیا ہے۔

(جاری ہے)

منگل کو اپنے تہنیتی پیغام میں انہوں نے کہا کہ چیف جسٹس اسلام آباد ہائی کورٹ جسٹس سردار سرفراز ڈوگر ایک ماہر قانون دان ہیں، ان کی بطور چیف جسٹس اسلام آباد ہائی کورٹ تقرری ایک احسن اقدام ہے، جسٹس سردار سرفراز ڈوگر ایک باوقار اور اصول پسند جج کے طور پرجانےجاتے ہیں۔

انہوں نے کہا کہ بطور چیف جسٹس اسلام آباد ہائی کورٹ ان کی تقرری عدلیہ کے وقار میں اضافے کا باعث بنے گی، امید ہے کہ چیف جسٹس ڈوگر آئین و قانون کی بالادستی اور عوام کو فوری انصاف کی فراہمی کے لیے اپنی خدمات احسن طریقے سے انجام دیں گے۔