افغان حکام علاقائی امن کے مفاد میں تحمل اور ذمہ داری کا مظاہرہ کریں، بلاول بھٹوزرداری

افغان فورسز کی بلا اشتعال جارحیت مشترکہ خوشحالی کی اجتماعی کوششوں کے لیے نقصان دہ ہے،چیئرمین پیپلزپارٹی

اتوار 12 اکتوبر 2025 19:45

افغان حکام علاقائی امن کے مفاد میں تحمل اور ذمہ داری کا مظاہرہ کریں، ..

کراچی(اُردو پوائنٹ اخبارتازہ ترین - این این آئی۔ 12 اکتوبر2025ء) چیئرمین پیپلز پارٹی بلاول بھٹو زرداری نے کہا ہے کہ افغان حکام علاقائی امن کے مفاد میں تحمل اور ذمہ داری کا مظاہرہ کریں۔چیئرمین پیپلز پارٹی بلاول بھٹو زرداری نے پاک افغان سرحد کی حالیہ صورتحال پر تشویش کا اظہار کرتے ہوئے کہا کہ افغان حکام علاقائی امن کے مفاد میں تحمل اور ذمہ داری کا مظاہرہ کریں۔

اور افغان فورسز کی جانب سے بلا اشتعال جارحیت علاقائی امن و استحکام کے لیے سنگین خطرہ ہے۔

(جاری ہے)

انہوں نے کہا کہ افغان فورسز کی بلا اشتعال جارحیت مشترکہ خوشحالی کی اجتماعی کوششوں کے لیے نقصان دہ ہے۔ جبکہ پاک فوج نے عزم، تحمل اور پیشہ ورانہ مہارت کے ساتھ افغان فوج کے حملے کا جواب دیا۔بلاول بھٹو زرداری نے کہا کہ افغانستان کی سرزمین سے سرگرم دہشتگردوں کے خلاف ٹھوس کارروائی کریں۔ پاکستان ایک پرامن، مستحکم اور خوشحال افغانستان کا خواہاں ہے۔ اور طالبان قیادت دیرپا امن اور استحکام کے لیے عملی، نتیجہ خیز بات چیت اور تعاون میں شامل ہوں۔انہوں نے کہا کہ ہمسایہ ممالک کے ساتھ اچھے تعلقات پاکستان کی مستقل پالیسی ہے۔