کاشتکاروں کو ٹینڈے کی پچھیتی کاشت 31جولائی تک مکمل کرنے کی سفارش

جمعرات 10 جولائی 2025 15:47

فیصل آباد (اُردو پوائنٹ اخبارتازہ ترین - اے پی پی۔ 10 جولائی2025ء) کاشتکاروں کو ٹینڈے کی پچھیتی کاشت 31جولائی تک مکمل کرنے کی سفارش کی گئی ہے ۔نظامت زرعی اطلاعات محکمہ زراعت نے کاشتکاروں کو آگاہ کیا کہ ٹینڈے کی کاشت کیلئے زرخیز ریتلی اور پانی کے اچھے نکاس والی زمین کاہونا ضروری ہوتاہے۔

(جاری ہے)

انہوں نے کہاکہ کاشتکار ٹینڈے کی کاشت سے پہلے کھیت میں 10سے15 ٹن فی ایکڑ گوبر کی گلی سٹری کھاد ڈال کر اسے ہل چلاتے ہوئے زمین میں اچھی طرح مکس کردیں اور اس کے بعد کھیت کو پانی لگادیں۔

انہوں نے کہاکہ وتر آنے پر2سے3 مرتبہ ہل اور سہاگہ چلایاجائے اور کاشت کیلئے 3،3 میٹر کے فاصلے پر نشان لگائے جائیں۔انہوں نے کہاکہ نشان کے دونوں اطراف 30سینٹی میٹر دور ایک بور ی سپر فاسفیٹ اور ایک بوری امونیم سلفیٹ ملاکر ڈالنے سے بہتر پیداوارحاصل ہو سکتی ہے۔ انہوں نے بتایاکہ اس ضمن میں مزید معلومات و رہنمائی کیلئے ماہرین زراعت یا محکمہ زراعت کے فیلڈ سٹاف سے بھی رابطہ کیاجاسکتاہے۔

Facebook Twitter Google + Share on Whatsapp

کاشتکاروں کو ٹینڈے کی پچھیتی کاشت 31جولائی تک مکمل کرنے کی سفارش

متعلقہ عنوان :

مزید زراعت کی خبریں