ایڈیشنل ڈپٹی کمشنر جنرل اٹک کی زیرصدارت انسداد ڈینگی مہم بارے اجلاس، ضلعی محکموں کو کارکردگی مزید بہتر بنانے کی ہدایت

جمعہ 11 جولائی 2025 21:00

اٹک(اُردو پوائنٹ اخبارتازہ ترین - این این آئی۔ 11 جولائی2025ء)ایڈیشنل ڈپٹی کمشنر جنرل اٹک انیل سعیدکی زیرصدارت انسداد ڈینگی مہم کے حوالے سے ایک اہم اجلاس ڈی سی آفس اٹک میں منعقد ہوا۔اجلاس میں ہیلتھ اور ایجوکشن کے افسران، ڈی ڈی ایچ اوز اوردیگر متعلقہ افسران نے شرکت کی۔متعلقہ افسران نے اجلاس کو انسداد ڈینگی مہم کے حوالے سے بریفنگ دی۔اجلاس سے خطاب کرتے ہوئے اے ڈی سی جی اٹک نے تمام اداروں کو ہدایات جاری کیں کہ وہ انسداد ڈینگی مہم میں اپنا بھر پور کردار ادا کریں،ضلعی اور تحصیل انتظامیہ، سرکا ری اداروں اور بالخصوص محکمہ صحت کو چاہیے کہ وہ ڈنیگی کے مکمل خاتمے کے لیے اپنا بھر پور کر دار ادا کرے اور اس کے ساتھ اس مہم میں دیگر محکموں کی بھی بھرپور معاونت کرے۔

انہوں نے کہاکہ ڈنیگی سے متعلق تمام محکموں کی کارکردگی جا نچنے کے لیے تیسری پارٹی کے ذریعے بھی نگرانی کی جارہی ہے اور ا ن کی کارکردگی کے متعلق اعلی حکا م کو بھی رپورٹ ارسال کی جارہی ہے۔

(جاری ہے)

اس موقع پر انہوں نے تمام ضلعی محکموں کو اپنی کارکردگی مزید بہتر بنانے کی ہدایت کی۔ایڈیشنل ڈپٹی کمشنرجنرل اٹک انیل سعید نے تمام افسران کو ہدایت کی کہ وہ اپنے سرکاری دفاتر میں ڈنیگی سے بچاؤ کے متعلق ضابطہ اخلاق پر سختی سے عملدرآمد کریں اور عوام میں شعور بھی بیدار کریں۔انہوں نے اس موقع پر ضلع اٹک کی عوام سے اپیل کی کہ وہ اپنے ارد گرد کا ماحول صاف اور خشک رکھیں تاکہ وہ اس خطرناک بیماری سے محفوظ رہ سکیں۔

Facebook Twitter Google + Share on Whatsapp

ایڈیشنل ڈپٹی کمشنر جنرل اٹک کی زیرصدارت انسداد ڈینگی مہم بارے اجلاس، ضلعی محکموں کو کارکردگی مزید بہتر بنانے کی ہدایت

متعلقہ عنوان :

مزید اہم خبریں