Live Updates

لاہور کی سڑکیں شریف خاندان کے جھوٹے دعوؤں کا پردہ چاک کر رہی ہیں

چند گھنٹوں کی بارش نے ’’ پیرس‘‘ بنانے کے دعوے بہا دیے، چچا کے لمبے شوز پہن کرفوٹو سیشن کرنے والی روایت بھی ختم ہو چکی ہے، لاہور کو ٹِک ٹاک حکومت نہیں، عملی اقدامات چاہیئے تھے۔ مشیراطلاعات بیرسٹرسیف

ثنااللہ ناگرہ ہفتہ 12 جولائی 2025 20:20

لاہور کی سڑکیں شریف خاندان کے جھوٹے دعوؤں کا پردہ چاک کر رہی ہیں

پشاور (اُردو پوائنٹ اخبارتازہ ترین۔ 12 جولائی 2025ء) مشیراطلاعات خیبرپختونخواہ بیرسٹر ڈاکٹر محمد علی سیف نے کہا ہےکہ لاہور کی سڑکیں شریف خاندان کے جھوٹے دعوؤں کا پردہ چاک کر رہی ہیں، چند گھنٹوں کی بارش نے ’’ پیرس‘‘ بنانے کے دعوے بہا دیے۔ میڈیا کے مطابق لاہور کی سڑکیں شریف خاندان کے کئی دہائیوں پر محیط جھوٹے دعوؤں کا پردہ چاک کر رہی ہیں۔

چند گھنٹوں کی بارش نے "پیرس" بنانے کے دعوے بہا دیے۔ وزیراعلیٰ مریم نواز کی خاموشی اور غیر موجودگی نے عوامی مشکلات کو مزید بڑھا دیا ہے۔ چچا کے لمبے شوز پہن کر فوٹو سیشن کرنے والی روایت بھی ختم ہو چکی ہے۔ لاہور کے شہریوں کو ٹِک ٹاک حکومت نہیں، عملی اقدامات چاہیے تھے۔ اگر عوام کا پیسہ لندن جائیدادوں پر لگنے کے بجائے لاہور پر خرچ ہوتا تو آج سڑکیں تالاب نہ بنتیں۔

(جاری ہے)

بارش نے نہ صرف شہر کو ڈبویا بلکہ جعلی دعوؤں کی قلعی بھی کھول دی ہے۔ شریف خاندان کے نعرے، وعدے اور ڈرامے سب بے نقاب ہو چکے ہیں۔ عوام کو اب مزید بے وقوف نہیں بنایا جا سکتا۔ دوسری جانب پاکستان تحریکِ انصاف (پی ٹی آئی) کی کور کمیٹی کے حالیہ اجلاس کی اندرونی تفصیلات سامنے آ گئی ہیں، جن کے مطابق اجلاس میں پارٹی بانی کی رہائی سے متعلق کوئی بات چیت نہیں ہوئی، جب کہ وزیرِ اعلیٰ خیبر پختونخوا علی امین گنڈا پور کے لاہور دورے پر پارٹی کے اندر واضح اختلافات اور تحفظات سامنے آئے ہیں۔

ذرائع کے مطابق پنجاب سے تعلق رکھنے والے کور کمیٹی اراکین نے علی امین گنڈا پور کی ریلی کی پیشگی اطلاع نہ دینے پر ناراضی کا اظہار کیا۔ اراکین کا کہنا تھا جب واقعی ضرورت تھی، تب ریلی کیوں نہیں نکالی گئی اب جب ریلی نکالی جا رہی ہے تو ہمیں اعتماد میں نہیں لیا گیا۔ذرائع کے مطابق، میاں اسلم اقبال نے مؤقف اختیار کیا کہ علی امین گنڈا پور کو جی ٹی روڈ پر رک رک کر آنا چاہئے تھا، تاکہ عوامی تاثر بہتر بنتا۔ تین سو گاڑیاں لے کر براہِ راست لاہور پہنچنے سے کوئی سیاسی فائدہ حاصل نہیں ہوگا۔ اس مؤقف کی نور الحق قادری نے بھی تائید کی۔ریجنل صدر لاہور کا شکوہ تھا کہ ہم راوت اور مندرہ میں عوامی استقبال کے لیے تیار تھے، مگر سینٹرل لیڈرشپ نے ہمیں کچھ نہیں بتایا۔