کراچی،فلیٹ سے مردہ حالت میں ملنے والی اداکارہ حمیرا اصغر لاہور میں سپرد خاک

میڈیکل رپورٹ کا انتظار کریں گے، ابھی کسی کو کیس میں نام زد نہیں کیا،بھائی کی میڈیاسے گفتگو

ہفتہ 12 جولائی 2025 14:47

کراچی،فلیٹ سے مردہ حالت میں ملنے والی اداکارہ حمیرا اصغر لاہور میں ..

لاہور(اُردو پوائنٹ اخبارتازہ ترین - این این آئی۔ 12 جولائی2025ء)کراچی میں فلیٹ سے مردہ حالت میں ملنے والی اداکارہ حمیرا اصغر کو لاہور میں سپرد خاک کر دیا گیا۔اس حوالے سے میڈیا سے گفتگوکرتے ہوئے مرحومہ کے بھائی نے کہاکہ میڈیکل رپورٹ کا انتظار کریں گے، ابھی کسی کو کیس میں نام زد نہیں کیا۔

(جاری ہے)

ایک سوال کا جواب دیتے ہوئے انہوں نے کہا کہ گھر والے اور حمیرا کا حلقہ احباب کئی ماہ سے ان سے رابطے کی کوشش میں تھے،لیکن سب ناکام رہے، افسوس ناک خبر سامنے آنے کے بعد کچھ لوگوں نے گھر والوں کو تنقید کا نشانہ بنایا،کسی نے کیس کے دیگر پہلوں پر غور نہیں کیا، کیا کسی نے حمیرا کے مالک مکان سے سوال کیی ۔

دوسری جانب حمیرا اصغر کے چچا نے کہا کہ حمیرا 2017میں گھر چھوڑ کر گئی تھی، دو تین ماہ بعد گھر کا چکر لگاتی تھی، والدین اس کی خوشی میں خوش تھے، گھر والوں نے حمیرا سے کسی قسم کا قطع تعلق نہیں کیا تھا۔