- حالیہ بورڈ امتحانات میں نمبرز کی نیلامی کی شدید الفاظ میں مذمت کرتے ہیں، وارث افغان

ہفتہ 12 جولائی 2025 22:15

۹کوئٹہ (اُردو پوائنٹ اخبارتازہ ترین - آن لائن۔ 12 جولائی2025ء) پشتونخوا سٹوڈٹنس آرگنائزیشن جنوبی پشتونخوا کے زونل آرگنائزر وارث افغان ، سینئر آرگنائزر مزمل شاہ وطن یار ، اطلاعات آرگنائزر عظیم افغان، مالیات آرگنائزر ہارون موسیٰ خیل ، آفس آرگنائزر زبیرترین ، رابطہ آرگنائزر بشیر افغان ، ثقافت آرگنائزر رحمت کاکڑ اورآرگنائزنگ کمیٹی کے دیگر اراکین نے اپنے مشترکہ بیان میں کہا ہے کہ حالیہ بورڈ امتحانات میں نمبرز کی نیلامی کی شدید الفاظ میں مذمت کرتے ہیں ۔

بیان میں کہا گیا ہے کہ بورڈ آفس کوئٹہ میں بے ضابطیگوں کی وجہ سے ہزاروں ہونہار طلبہ کی مستقبل دائو پر لگ گئی ہے ۔ قابل اور باصلاحیت طالب علموں کو کم نمبرز دے کر فیل کیا گیا جس کی وجہ سے ان ہزاروں طالب علموں کی تعلیمی مستقبل خطرے میں پڑگئی ہے ۔

(جاری ہے)

بورڈ آفس کی نااہل انتظامیہ پیپرز کی چیکنگ کے لیے من پسند افراد کا میرٹ کی دھجیاں اڑا کر انتخاب کرتے ہیں جو پیپرز چیک کرنے کے اہل نہیں ہوتے۔

بورڈ آفس میں نمبرز کی نیلامی کے لیے بولیاں لگائی جاتی ہیں ،سرمایہ دار ، بااثر افراد اپنے بچوں کو اچھے نمبرز دلاتے ہیں تاکہ مستقبل میں میڈیکل ، انجینئرنگ سیٹ حاصل کرکے قابل اور باصلاحیت طالب علموں کے حق پر ڈاکہ مارسکے۔ بیان میں کہا گیا ہے کہ پشتونخوا سٹوڈنٹس آرگنائزیشن فارم 47کے نااہل حکومت کی اس تعلیم دشمن عمل کی سخت ترین الفاظ میں مذمت کرتی ہے موجودہ حکومت نے تعلیمی نظام کو تباہی کے دہانے پر لاکھڑ کردیا ہے۔صوبائی وزیرتعلیم اس کا سختی سے نوٹس لیکر تحقیقاتی کمیٹی تشکیل دیں اور ذمہ داران کے خلاف کارروائی کی جائے بصورت دیگر پشتونخوا سٹوڈنٹس آرگنائزیشن احتجاج کا حق محفوظ رکھتی ہے ۔