مسلم لیگ (ن) خیبرپختونخوا نے صوبائی اسمبلی میں ٹک ٹاک پر پابندی کی قرارداد جمع کرادی

پیر 15 ستمبر 2025 20:10

صوابی(اُردو پوائنٹ اخبارتازہ ترین - این این آئی۔ 15 ستمبر2025ء) مسلم لیگ (ن) خیبرپختونخوا نے خیبر پختونخوا اسمبلی میں بھی ٹک ٹاک پر پابندی کی قرارداد جمع کرادی۔رکن اسمبلی ملک سید عمران کی جانب سے پیش قرارداد میں کہا گیا ہے کہ ٹک ٹاک لائیو چیٹ کے ذریعے نوجوانوں میں فحاشی اور عریانی عروج پر ہی.اپلیکیشن کے ذریعے نوجوان نسل خاص طور پر بچوں کو بے حیائی کی طرف راغب کیا جا رہا ہے۔

(جاری ہے)

ٹک ٹاک پر نوجوان لڑکے لڑکیاں آپس میں فحش گفتگو کرتے ہیں۔ یہ ہمارے اسلامی معاشرے کیلئے کبھی بھی قابل برداشت نہیں ہے۔ نوجوان سستی شہرت اور پیسے کی خاطر ٹک ٹاک کی جانب راغب ہورہے ہیں۔ ایک بیان میں انہوں نے صوبائی حکومت سے اپیل کی ہے کہ صوبائی اسمبلی میں اس کی روک تھام کے لئے قرارداد منطور کی جائے۔ اورٹک ٹاک پر فوری طور پابندی لگائی جائے،تاکہ نوجوان نسل کو اخلاقی تباہی سے بچایا جا سکے۔