کراچی‘ شادی والے دن لاپتا ہونے والا دلہا گھر آگیا، اہلخانہ نے کیا بتایا

منگل 16 ستمبر 2025 11:42

کراچی(اُردو پوائنٹ اخبارتازہ ترین - این این آئی۔ 16 ستمبر2025ء) کورنگی مدینہ کالونی میں شادی والے دن لاپتا ہونے والا دلہا واپس آگیا۔پولیس کے مطابق جہانزیب سے گمشدگی سے متعلق پوچھ گچھ کی جارہی ہے۔اس کے علاوہ جہانزیب کیاہلخانہ کا کہنا ہے کہ ابھی کچھ تفصیل نہیں بتاسکتے، جہانزیب کی حالت ابھی کچھ بتانیجیسی نہیں ہے۔

(جاری ہے)

واضح رہے کہ یہ واقعہ 11 ستمبر کو پیش آیا تھا جس کے بعد جہانزیب نامی دلہا کی گمشدگی کا مقدمہ تھانہ زمان ٹاؤن میں والد کی مدعیت میں درج کیا گیا۔

مدعی مقدمہ نے کہا کہ شادی کے روز شام 6 بجے جہانزیب سیلون گیا تھا، سیلون سے ساڑھے 7 بجے فون آیاکہ جہانزیب سیلون نہیں پہنچا۔والد نے الزام عائد کیا کہ جہانزیب کو اغواکیا گیا ہے تاہم پولیس کا کہنا تھا کہ معاملے کی ہر پہلو سے تحقیقات کی جا رہی ہیں۔