سیالکوٹ،مویشی پال حضرات کو جانوروں کو موسم برسات میں خشک چارے اور متوازن خوراک کی فراہمی کی ہدایت

بدھ 16 جولائی 2025 16:33

سیالکوٹ (اُردو پوائنٹ اخبارتازہ ترین - اے پی پی۔ 16 جولائی2025ء) ڈپٹی ڈائریکٹر محکمہ لائیو سٹاک و ڈیری ڈویلپمنٹ سیالکوٹ ڈاکٹر تنویر احمد نے برسات کے دوران مویشیوں کو مختلف بیماریوں سے بچانےکے لئے خشک چارے اور متوازن خوراک انمول ونڈے کی فراہمی کی ہدایت کی ہے۔

(جاری ہے)

ترجمان محکمہ لائیو سٹاک وڈیری ڈویلپمنٹ سیالکوٹ کے مطابق ڈپٹی ڈائریکٹر محکمہ لائیو سٹاک نے مویشی پال حضرات سے ملاقات کے دوران ہدایات جاری کیں کہ موسم برسات میں مویشیوں کی خصوصی دیکھ بھال کو یقینی بنایا جائے تاکہ لائیوسٹاک فارمرز کو بعد ازاں کسی قسم کی پریشانی کا سامنا نہ کرنا پڑے۔

موسم برسات میں جانوروں کی رہائش کے لئے خشک جگہ کا بندو بست بھی ضروری ہے۔ انہوں نے کہا کہ مویشی پال حضرات مویشیوں کو موسمی شدت کے اثرات سے بچانے کے لئے متوازن غذا کااستعمال کر انے کے ساتھ ساتھ بیماریوں سے بچاؤ کے حفاظتی ٹیکے ضرور لگوائیں۔انہوں نے کہا کہ لائیوسٹاک کے سہولت سینٹرز پر ونڈہ،منرل مکسچر اور یوریا مولیسز بلاک رعایتی نرخوں پر دستیاب ہیں اور منرل مکسچر میں تمام ضروری نمکیات علاقائی ضرورت کے مطابق موجود ہیں۔