عراق ،شاپنگ مال میں ہولناک آتشزدگی سے اموات کی تعداد 77 ہو گئی

جمعہ 18 جولائی 2025 10:00

بغداد (اُردو پوائنٹ اخبارتازہ ترین - اے پی پی۔ 18 جولائی2025ء) عراق کے شمال میں واقع شہر الکوت کےشاپنگ مال میں ہولناک آتشزدگی سے اموات کی تعداد 77 ہو گئی ہے۔ اردو نیوز کے مطابق عراقی وزیر اعظم محمد شیاع السودانی سے وزیر داخلہ کو ہدایت کی کہ وہ واقعے کی نگرانی کریں اور آتشزدگی کی وجوہات کے بارے میں فوری تحقیقات کا آغاز کریں ۔

(جاری ہے)

وزیر اعظم کی جانب سے جاری بیان میں کہا گیا ہے کہ آتشزدگی کی باریک بینی سے تحقیقات کا آغاز کردیا گیا ہے جبکہ امدادی ٹیموں کوہدایت کی گئی ہے کہ متاثرین کی فوری اور ہرممکن امداد کو یقینی بنایا جائے۔

دوسری جانب وزارت داخلہ کی جانب سے جاری بیان میں کہا گیا ہے کہ اس المناک واقعے پر سب سوگوار ہیں ، جس عمارت میں آگ لگی وہ پانچ منزلہ تھی اس میں ہائپرمارکیٹ اور ریسٹورانٹ بھی تھے ، عمارت کے افتتاح کو 7 دن ہی ہوئے تھے ۔بیان میں 77 اموات کی تصدیق کی گئی ہے ، بیشتر اموات دم گھنٹے کی وجہ سے ہوئیں ، 14 نعشیں مکمل جل جانے کی وجہ سے ان کی شناخت ممکن نہیں ہوسکی ۔ شہری دفاع کی ٹیمیں امدادی کارروائی میں 45 افراد کو متاثرہ عمارت سے نکالنے میں کامیاب رہیں ۔