کاشتکار پودینے کی کاشت ستمبرکے آخر تک مکمل کر یں تاکہ بہتر پیداوار حاصل ہو سکے،محکمہ زراعت

جمعہ 18 جولائی 2025 14:57

فیصل آباد (اُردو پوائنٹ اخبارتازہ ترین - اے پی پی۔ 18 جولائی2025ء) محکمہ زراعت توسیع نے کاشتکاروں کو پودینے کی کاشت اگست میں شروع کر کے ستمبرکے آخر تک مکمل کرنے کا مشورہ د دیتے ہوئے کہا ہے کہ چونکہ اگست سے ستمبر کے آخر تک پودینے کی کاشت کےلئے بہترین موسم ہے لہٰذا وہ اس عرصہ میں کاشت مکمل کرنے کیلئے اقدامات یقینی بنائیں تاکہ اس کی بہتر پیداوار حاصل ہو سکے۔

یہ بات ڈپٹی ڈائریکٹر محکمہ زراعت توسیع عدیل احمدنے ایک بیان میں کہی۔

(جاری ہے)

انہوں نے کہا کہ ایک ایکڑ رقبے پر پودینے کی کاشت کےلئے ایک لاکھ 75ہزار سے 2لاکھ تک پرانے پودوں کی ٹہنیاں اور جڑوں کے ٹکڑے درکار ہوتے ہیں۔ انہوں نے کہا کہ اگر پودینے کی کاشت کے فوراً بعد آبپاشی کر لی جائے تو اس کے بہترین نتائج حاصل کئے جا سکتے ہیں۔ انہوں نے بتایاکہ پودینہ کی کاشت کےلئے ایسی زمین کا انتخاب بھی ضروری ہے جو ذرخیز اور پانی کا بہتر نکاس رکھتی ہو۔ انہوں نے کہا کہ جس کھیت میں پودینہ کی کاشت مطلوب ہو اس میں سبز کھاد ڈالنے سے بھی فی ایکڑ بہترین فصل حاصل ہو سکتی ہے۔