Live Updates

ْسندھ میں بادل برس پڑے، بدین، ٹندوالہ یار، ٹنڈو محمدخان اورگردونواح میں آندھی اور تیزبارش

بدین میں طوفانی بارش سے نشیبی علاقے زیر آب، کئی علاقوں میں بجلی کی فراہمی معطل، درخت اور سائن بورڈز اکھڑ گئے

ہفتہ 19 جولائی 2025 21:50

حیدرآباد(اُردو پوائنٹ اخبارتازہ ترین - این این آئی۔ 19 جولائی2025ء)سندھ کے مختلف اضلاع برسات کا سلسلہ شروع ہو گیا، بدین، ٹندوالہ یار، ٹنڈو محمدخان اور گردونواح میں آندھی اورتیزبارش ہوئی۔ بدین میں طوفانی بارش سے نشیبی علاقے زیر آب آ گئے، کئی علاقوں میں بجلی کی فراہمی معطل، کئی درخت اور سائن بورڈز اکھڑ گئے۔سندھ کے مختلف اضلاع میں برسات کا سلسلہ شروع ہو گیا۔

(جاری ہے)

بدین، ٹنڈوالہ یار، ٹنڈو محمد خان اور گردونواح میں آندھی اور تیز بارش سے جل تھل ایک ہو گیا۔بدین میں طوفانی بارش کے باعث نشیبی علاقے زیر آب آ گئے، جب کہ ٹنڈوالہ یار میں بارش کی پہلی بوند گرتے ہی مختلف علاقوں میں بجلی کی فراہمی معطل ہو گئی۔ٹنڈو محمد خان اور مضافاتی علاقوں میں موسلادھار بارش سے کئی درخت اور سائن بورڈز اکھڑ گئے۔محکمہ موسمیات نے حیدرآباد، جامشورو، سکھر، جیکب آباد، ٹھٹھہ، لاڑکانہ اور نوابشاہ سمیت دیگر شہروں میں بھی بارش کی پیشگوئی کی ہے۔