وزارت خزانہ نے کئی وفاقی سرکاری اداروں کے دیوالیہ ہونے کا خدشہ ظاہر کردیا

اتوار 20 جولائی 2025 17:40

اسلام آباد(اُردو پوائنٹ اخبارتازہ ترین - این این آئی۔ 20 جولائی2025ء)وزارت خزانہ نے خطرے کی گھنٹی بجاتے ہوئے کئی وفاقی سرکاری اداروں کے دیوالیہ ہونے کا خدشہ ظاہر کر دیا ہے۔نجی ٹی وی کے مطابق کئی وفاقی سرکاری اداروں کے دیوالیہ ہونے کا خدشہ ظاہر کیا گیا ہے، متعدد سرکاری اداروں کے ریڈ زون میں کام کرنے کا انکشاف بھی ہوا ہے، سرکاری اداروں کے بہت سے بورڈ آف ڈائریکٹرز بدستور غیر فعال ہیں۔

وزارت خزانہ کی دستاویز کے مطابق کئی وفاقی سرکاری اداروں کا دیوالیہ ہونے کا خدشہ ہے، کئی سرکاری ادارے ریڈزون میں کام کررہے ہیں، ان اداروں کے دیوالیہ ہونے کا صرف امکان نہیں بلکہ قوی امکان ہے، سرکاری اداروں کے بہت سے بورڈ آف ڈائریکٹرز غیر فعال ہیں۔دستاویز کے مطابق بورڈ ارکان کے پاس مہارت ہے نہ آزادی، بورڈز میں تعینات افسران کے پاس مطلوبہ تجربہ بھی نہیں ہوتا، بورڈ ارکان کے پاس اسٹرٹیجک فیصلے لینے اور احتساب نافذ کرنے کا عزم بھی نہیں ہوتا ہے۔

(جاری ہے)

محکمہ خزانہ کی دستاویز میں انکشاف کیا گیا کہ زیادہ تر اداروں میں آڈٹ کمیٹیاں غیرفعال یاصرف علامتی ہوتی ہیں، خطریکیانتظام کے طریقہ کار یا تو بالکل غیر موجود یا محض خانہ پٴْری تک محدود ہیں۔دستاویز میں کہا گیا کہ مؤثر نگرانی کی عدم موجودگی نے مالیاتی غلط بیانی اور لاگت میں اضافے کو جنم دیا ہے، بعض صورتوں میں مشتبہ فراڈ جیسے معاملات پیدا ہوئے ہیں، مالی عدم استحکام، اداروں پرعوامی اعتماد کے زوال میں اضافہ ہوا ہے۔محکمہ خزانہ کی دستاویز میں کہا گیا کہ سرکاری اداروں کے اندرونی نگرانی کینظام بار بار بر وقت اصلاحی اقدامات لینیمیں ناکام رہے ہیں۔