ڈھاکا ، بنگلادیش ایئرفورس کا تربیتی طیارہ گر کر تباہ، ایک شخص جاں بحق

بنگلادیش فوج نے ایف-7بی جی آئی طیارے کو حادثہ پیش آنے کی تصدیق کردی

پیر 21 جولائی 2025 18:00

ڈھاکہ(اُردو پوائنٹ اخبارتازہ ترین - این این آئی۔ 21 جولائی2025ء)بنگلادیش ایئرفورس کا ایک تربیتی طیارہ دارالحکومت ڈھاکا کے علاقے اتارا میں کالج کی عمارت پر گر کر تباہ ہو گیا، جس کے نتیجے میں ایک شہری جاں بحق اور کم از کم چار افراد زخمی ہو گئے۔

(جاری ہے)

مقامی میڈیا کے مطابق طیارے نے دوپہر 1بج کر 6منٹ پر پرواز بھری، مگر کچھ دیر بعد ہی اتارا کے مصروف علاقے میں گر کر ایک عمارت کو شدید نقصان پہنچایا۔

حادثے کے بعد عمارت میں آگ بھڑک اٹھی جسے فائر بریگیڈ کے عملے نے قابو پایا۔بنگلادیش فوج نے ایف-7بی جی آئی طیارے کو حادثہ پیش آنے کی تصدیق کی ہے، تاہم پائلٹ کے بارے میں کوئی معلومات جاری نہیں کی گئیں۔زخمیوں کو فوری طور پر سی ایم ایچ ہسپتال منتقل کر دیا گیا ہے، جبکہ واقعے کی تحقیقات کا آغاز کر دیا گیا ہے۔